هل يلزم garant لفيزا دراسة في كندا
هل يلزم garant للفيزا دراسة؟
وهل Garant يكون في كندا أو في الجزائر أو في فرنسا أو الهند... وشحال لازم نحط من garant؟
دراهم يكونو بالدينار ولا بالدولار ولا بالأورو... ؟
الآن في هذه المقالة سأشرح لكم بالتفصيل جميع المعلومات وكل ما هو المطلوب
أولا، شحال لازمني دراهم باش نقرا في كندا؟
لازمك تتوفر على حوالي 350 مليون سنتيم (23000 euro). يجب الحساب بسعر صرف البنك وليس بسعر صرف سكوار.
ثانيا، دراهم هذو وين لازم يكونو، عندي ولا عند garant ؟
هنا كل واحد والوضعية تاعو، يعني مثلا:
▪️لي راهو مقبل على الدراسة وخدم من قبل ولا عندو ورث... يعني يقدر يبين بلي عندو مبلغ معين في الرصيد تاعو فب البنك أو CCP أو في أي مؤسسة مالية...
في هذه الحالة يجيب relevé de banque تاع عدة شهور من الأحسن تكون 6 أشهر فما فوق + شهادة العمل + شهادة الراتب لأربعة أشهر الأخيرة + Affiliation Casons ولا شيء آخر.
▪️واحد متخرج من الدراسة أو مازال يقرا. المهم ماخدمش أو خدم شوية برك. يعني هذا الشخص منطقيا ماعندوش دراهم أو عندو حاجة قليلة‼️ في هذه الحالة لازمك تبين لوزارة الهجرة الكندية منين راح تجيب دراهم أو شكون راح يخلص عليك؟ أنت راح تقلهم أبي أو عمي أو خويا..... هوما لي راح يخلصو عليك. إذن باباك، عمك وخوك هوما Les garants تاعك.
في هذه الحالة المطلوب منك، تجيب لكل Garant:
وثيقة les relevés de comptes تاع les garants تاعك + نسخة من Passeport + وثائق تثبت الوظيفة والشهرية + وثيقة ممضية من طرف garant يتعهد فيها بأنه هو لي يخلصلك دراستك هذه الوثيقة موجودة في الانترنيت واسمها D09 (Déclarationde soutien financier)
+ إذا كنت تعمل : وثيقة relevé de banque تاع عدة شهور من الأحسن تكون 6 أشهر فما فوق + شهادة العمل + شهادة الراتب لأربعة أشهر الأخيرة + Affiliation Casons ولا شيء آخر. لكان ماخدمتش ماديرش هذو واكتفي بأوراق ال garant وفقط.
ثالثا، ال garant وأمواله وين لازم يكونو؟
مايهمش وين يكون، يكون في روسيا، في الصين في كندا في الجزائر في فرنسا.... المهم عندو أموال كافية تكون في البنك وفقط
العملة لاتهم، يكونو أورو ولا دولار ولا دينار... المهم المجموع تاعهم بسعر صرف البنك يكون يكفي لسنة دراسة (أي حوالي 350 مليون)
رابعا، شحال لازمني من Garant؟
قانونيا لايوجد عدد محدود ل garant. ولكن عمليا وبالتجربة من الأحسن ماتفوتش 3 أشخاص.
الهدف من لي garants كما قلت هو يخلصولك قرايتك، يعني مثلا أنت عندك زوج تاع لي garants واحد عندو 100مليون ولاخر عندو 250 مليون. المجموع بينهما هو 350 مليون يعني المبلغ كافي لدراستك إذن اكتفي بزوج تاع les garants. ولكان لقيت المبلغ مايكفيش زيد garant troisième.
اختارو بعناية les garants تعكم، من الأحسن يكون قريب جدا ليك، مثلا خوك باباك عمك خالتك.... وكون يكونو في كندا فهذا أحسن👌
نصيحة
- من الأحسن ماتجيبش جاركم ولا صاحب باباك وتقول هذا garant لأن ال agent يقدر يتوسوس و ماتدخلش في راسو تاع واحد ليست له صلة قرابة يعطيك 350 مليون باه تقرا‼️ هي تقدر ديرهم garant ماكان حتى حاجة قانونية تمنع ذلك، ولكن من الأفضل دير الأقرباء ليك، وكي ماتلقاش دير صحابك ولا صحاب باباك...
- دائما حاول تضع نفسك مكان ال agent وفكر إذا جاتك أي خطوة ديرها أنت منطقية أو لا.
#yacine_kraimia
#Garant #Soutien_financier #D09 #compte #permis_detude #visa